لعبة لشخصين
دايمًا في إشي يستاهل الحكي.
نوعين من الحكي: عن بعض، وعن الدنيا حواليكم. على تلفون واحد، أو كل واحد على تلفونه.
ما في إجابة صح. ما في ضغط. بس إنتوا والحكي.
كمّلوا لتحتسؤال من اللعبة
شو أكلة أو ريحة بترجعك لطفولتك فورًا؟
نوعين من الحكي.
نفس اللعبة، بس السهرة بتطلع مختلفة على حسب شو اخترتوا.
الوضع الكلاسيكي
اكتشفوا بعض أكتر.
أسئلة عنكم، عن ذكرياتكم، وعن علاقتكم — وعن أشياء يمكن صارلها زمان ما انحكت.
وضع الحكي
شوفوا كيف كل واحد فيكم بفكّر.
أفكار، مواقف، واختيارات — ومواضيع ما بتتوقعوها بتخليكم تعرفوا كيف بيفكر الطرف التاني.
بدل ما نشرح كثير… جرّبوا سؤال.
اقرؤوه، جاوبوا بعض، وشوفوا لوين بياخذكم الحكي.
سؤال تجريبي · من الوضع الكلاسيكي
شو أكلة أو ريحة بترجعك لطفولتك فورًا؟
سؤال 1 من 8
ثلاث خطوات، وبعدها الحكي إلكم.
اختاروا نوع الحكي
حكي عن بعض، أو حكي عن الدنيا اللي حواليكم.
اختاروا كيف بدكم تلعبوا
تلفون واحد بينكم، أو كل واحد على تلفونه من وين ما كان.
وابدأوا تحكوا
إحنا بس بنفتح الموضوع، وبعدها منترككم تحكوا.
أسئلة بتفتح حكي فعلًا.
UNFOLD مش اختبار توافق، ومش كومة أسئلة عشوائية. كل جلسة معمولة عشان تعطيكم مساحة لإجابات حقيقية، وقصص ما كانت على البال، ومواضيع ما بدكم تستعجلوا نهايتها.
- مش اختبار.
- مش جلسة علاج.
- مش سباق لتخلّصوا الأسئلة.
- بس سبب أحلى عشان تحكوا.
الاثنين، على تلفون واحد أو تلفونين.
أي نوع حكي اخترتوا، إنتوا بتختاروا وين بتكونوا.
على نفس الجهاز
تلفون واحد بينكم، وإنتوا قاعدين وجهًا لوجه. اقرؤوا السؤال بصوت عالي وجاوبوا على راحتكم.
كل واحد على تلفونه
نفس السؤال بيوصلكم الاثنين، كل واحد بيكتب إجابته لحاله، وبتنكشف إجاباتكم سوا. وبتقدروا توقّفوا وترجعوا وقت ما بدكم.
لشخصين بدهم يحكوا أكثر من: «كيف كان يومك؟»
بداية علاقة، خطوبة، زواج، سنين مع بعض، أو لسا بتتعرّفوا—UNFOLD بتبدأ من المكان اللي إنتوا فيه. وإنتوا بتقرروا قديش الحكي يكون خفيف، صريح، غريب، أو عميق.
حكيكم إلكم.
ما في إجابة مثالية، وما في ضغط تحكوا أكثر من اللي بناسبكم. تجاوزوا اللي مش مريح، وقفوا وقت ما بدكم، والعبوا على راحتكم.
إجابتك ما بتوصل لشريكك قبل ما تجاوبوا الاثنين.
لما تنتقلوا للسؤال اللي بعده، إجابات السؤال السابق بتنمسح.
ولا كلمة من اللي بتكتبوه بتدخل على تقاريرنا أو سجلاتنا.
وبوضع الحكي، اللي بيختاره كل واحد فيكم ما بينحفظ، وما بينحسب، وما بيطلع منه حكم عليكم.
أسئلة بنسمعها كثير
UNFOLD بس للأزواج؟
UNFOLD معمولة لشخصين بينهم علاقة—سواء لسا بالبداية، أو خطوبة، أو زواج، أو سنين مع بعض. الأسئلة مكتوبة لهالمساحة بالذات.
لازم يكون معنا تلفونين؟
لا. بتقدروا تلعبوا سوا على جهاز واحد. وإذا بدكم كل واحد يلعب من تلفونه، هاد كمان موجود.
قديش بتاخذ الجلسة؟
بالوضع الكلاسيكي إنتوا بتختاروا عدد الأسئلة وقت ما تبلّشوا، ووضع الحكي جلسة قصيرة بتخلص لحالها. وبالحالتين بتقدروا توقّفوا بأي لحظة. ما في مدة لازم تلتزموا فيها.
وإذا إجا سؤال مش مريح؟
بتقدروا تغيّروه. وإذا كل واحد على تلفونه، التغيير بصير لما توافقوا الاثنين—ما بيقدر حدا يغيّر السؤال لحاله.
هاد اختبار توافق؟
لا. ما في علامات، ولا تشخيص، ولا إجابة «صح». الفكرة بالحكي نفسه، مش بالنتيجة.
شو اللغات المتوفرة؟
عربي وإنجليزي. وباللعب عن بُعد، كل واحد فيكم بيقرأ نفس السؤال بلغته اللي مختارها.
بتعرفوا بعض من زمان؟
لسا في أشياء تستاهل تنحكى.
ابدؤوا بسؤال واحد، وشوفوا لوين بياخذكم.
شخصين. كم دقيقة. وبدون أي تحضير.